Советниците во советот на општина Новаци ја одржаа деветтата седница на која имаа околу петнаесеттина точки на дневен ред. На седница беше донесена одлука за измена на распоредот на средствата на буџетот на општина Новаци за 2018 година, за проширување на средствата на буџетот на општина Новаци за 2018 година, за одобрување на средства за реновирање на кровот и дел од просториите на амбулантата во с.Бач. 
Исто така, беше донесена измена и дополнување на одлуката за формирање на работна група за следење, мерење, обработка и доставување на податоци до РСБСП и предлог измена на програмата за санација, одржување на полски патишта и чистење на земјените канавки покрај локалните и полски патишта во општина Новаци .
На седницата советот донесе и неколку други одлуки за потребите на жителите : одобрување на средства за исплата на ракувачот на ровокопачот, барања од Планинарското друштво ,,Медикус,, Битола за донација за маршот Мариово 2018, финансиска помош за Здружението на еднородителски семејства „ДЕЛ од СИТЕ Битола и неколку барања за финансиска помош на физички лица заради лекување. На седница советниците донесеа и неколку предлог одлуки за вклопување на бесправно изградени објекти во идна урбанистичко-планска документација за селата Долно Орехово и Добромири.