„Слатки соништа“ на Пиловски ќе ја претставува Македонија на хрватскиот филмски фестивал

„Слатки соништа“ (Sweet dreams) на Зоран Пиловски е единствениот претставник од Македонија на Хрватскиот фестивал на едноминутен филм. Во официјалната програма ќе се претстават 60 филмови, меѓу кои и краткиот филм „Слатки соништа“ – единствениот претставник од Македонија кој што вкупно трае 59 секунди.
Зоран Пиловски е дел од тимот на Фан продукција од Прилеп кој и досега добиваше вредни награди на повеќе фестивали во земјава и манифестации од областа на видео монтажата, камера и фотографија, како што се Камера 300 во Битола, Фестивалот на непрофесионален филм во Велес и други. Ова е прво учество на Пиловски на фестивал во странство.
Инаку, Хрватскиот фестивал на едноминутен филм е реномирана манифестација во светски рамки кој што годинава ќе го има своето
26 то издание. Жири комисијата која ќе ги оценува селектираните кратки филмови е составена од реномирани режисери, сценографи од Ју просторите и Европа меѓу кои и македонскиот режисер Горан Тренчовски
Фестивалот ќе се одржува во Пожега од 24 до 27 мај годинава.