По првичното зголемување на цените иницирано од прилепскиот комбинат, денеска и официјално уште една откупна компанија дополнително ги зголеми цените на ориенталниот тутун од реколтата 2о23 та година. Пашоски со вториот анекс ја зголемува цената по класи и тоа според анексот достапен јавно, цените се: прва класа 365 ден, втора 264 денари, трета 198 денари и дополнителна 11о денари.
Ќе повлече ли овој потег на една од најмалите откупни компании (со откуп до 1000 тони тутун ) – дополнително покачување на цените и кај останатите откупувачи и покрај тоа што не е нивна обврска, останува да се види наредниве денови. Во тутунскиот откуп за реколтата 2023 учествуваат вкупно 10 откупни компании.
Воедно, корекцијата по нагорна линија ќе треба да важи ретроактивно и за предадениот тутун пред настанатата промена.
Ресорниот министер Николовски денеска апелираше на зголемување на цените, при тоа алудирајќи и на ретроактивна исплата на промената на цената за веќе предадениот тутун, додека пак дополнителниот заменик министер Трипуновски одржал средба со откупувачите во Скопје со барање за дополнителна корекција на откупните цени.