Денес наш соговорник во студиото беше спортскиот новинар Зоран Игески, како еден од предложените личности на нашата анкета 13 вечичествени. Тој е долгогодишен посветен проследувач на спортот во Прилеп, а веќе две и пол години успешно го води единствениот интернет портал за спорт во Прилеп, Шампион.
Во неговиот спортски бележник се резултатите, достигнувањата и успесите на сите спортски клубови во Општина Прилеп, вклучително и населените места и без неговото новинарско перо нема да постои „спортска арихива“, бидејќи тој е единствениот кој ги посетува, главно сите спортски случувања во градот.
Тој очевидно беше изненаден од предлогот на граѓаните, да се најде на листата 13 величествени, не заради тоа што не е заслужен, туку заради тоа што е скромен човек кој со посветеност и со страст работи на темите во спортското новинарство.
Во овој разговор, во кој покрај водителот Филип Димкоски, се вклучи и техничкиот реализатор на програмата на Радио Пела, Никола Димески кој е исто така страсен проследувач на спортот, па настана убава и топла дискусија за синоќешниот наптревар меѓу Македонија и Унгарија во рамки на Светското првенство во ракомет, потоа за ракометот во Прилеп, за иницијативата да се обнови Универзалната сала како насушна потреба за ракометарите од градот, но секако и неизбежната тема, љубовта кон Победа, кон фудбалот, навраќање кон неговите почетоци во спортското новинарство.
Ф.Д.