Зголемување на водостоите на реките, дожд, а од недела 6 ти април и снег се очекува на планините и на повисоките места над 600 м надморска височина, велат балканските синоптичари. На Балканот iи во Македонија студениот бран од северниот пол „ќе стигне“ викендов кога се очекува постепено намалување на температурите.
Според Accuweather в недела во Прилеп се очекува поголемо заладување со утринска минимална температура од – 3 степени, а максималната дневна температура ќе достигне до 11 степени. В недела се очекува и снег во вечерните часови. Сепак најниската минимална температура се очекува за во понеделник кога е прогнозирано живата во термометарот да се спушти до – 5 степени целзиусови. Минисните утрински температури ќе се задржат и во наредните два дена до средата.
Деновите на викендот и деновите од наредната седмица ќе има повремени врнежи од дожд со северен ветер
А пролетните дождови денеска предизвикаа поплави на одредени делови на влезовите од Прилеп кон Мало Коњари и кон Лагово. Вака беше на местото викано Бегова ливада, на неполн километар од влезот во Прилеп.