Во Одделението за внатрешни работи во Прилеп, во полициската станица денеска по повод Денот на македонската полиција – 7 Мај се одржа прием и отворен ден за граѓаните. Во кругот на полициската станица беше изложен дел од возниот парк и опремата со која располага македонската полиција, а посебно ова беше интересно за најмладите деца од градинките и училиштата од Прилеп. На овој начин децата се запознаа со улогата на полициската служба.
policija11
Инаку, Секторот за внатрешни работи Битола и оваа година традиционално го чествува Денот на македонската полиција – 7 Мај заедно со граѓаните. По тој повод, денеска Кабинетот на СВР Битола и сите припадници на полицијата при СВР Битола положија свежо цвеќе пред споменикот на бранителите СВР Битола и пред споменикот „Анѓел” пред градскиот часовник.