Дека Крушево е рај за параглајдерите говорат оние кои што се љубители на овој спорт. Градот и особено полетувалиштето на Мечкин камен е магнет за параглајдеристите од цел свет. Летово, тука се одржаа голем број на натпревари во разни категории, од годинава е отворен и Инфо центар за параглајдинг.
Европското и Светското првенство во змејарство се реализираше од 8 до 21 јули 2018 година.
Крушево, беше арена во која што се натпреваруваше светската елита од 150 пилоти, а Република Македонија по втор пат беше во фокусот на светската воздухопловна спортска јавност и домаќин на околу 300 учесници, пилоти и официјални гости кои престојуваа во Крушево за време на натпреварите организирани од Воздухопловната Федерација нa Македонија.
Но, несомнено градот е мека за љубителите на авантуристичките спортови. Погледнете и зошто….
ФОТО ГАЛЕРИЈА во соработка со Продукција Бозаро
Но, не само змејарство, туку и останатите авантуристички спортови поврзани со природа се интересни за рекреативците.
Деновиве, по 4-ти пат се одржа манифестацијата „Крушево низ корија“. Предизвикот беше голем за над 250 велосипедисти и 50-тина планинари. Велосипедистите возеа 2 тури низ крушевскиите планини, долги 42 и 22 км. Планинарската тура беше долга 15 км.
