Прилеп и Македонија го имаат шампионот во бокс. Прилеп се гордее со момчето кое ќе се соочи со својот најголем предизвик во својата професионална кариера. Во својот трет професионален настап Матеј Чатлески ќе ги вкрсти ракавиците со противник од Босна и Херцеговина. Ова е можеби само едно поголемо искуство за Чатлески, но и момент каде што може да го покажи својот раскошен талент, токму на гоелмата боксерска сцена, на големиот спектакл кој, в сабота (28 март) ќе се одржи во Бор.
Секој боксер поседува свои квалитети, а професионалниот бокс сам по себе придонесува боксерот на рингот да ги покаже и потврди своите боксерски спортски спецификации. Поддршката е најважна. Таа е и дополнителна мотивација за прилепскиот боксер, кој ја посакува победата (како и ние), и покрај тоа што противникот е со поголемо искуство. Но, како велат „трета среќа“, а моментот наближува – боксинг најт спектакл на Чатлески, кој со срце и душа ќе ја претставува својата земја и својот град, Прилеп се наближува.
А, тој што и да се случи е нашиот шампион на кој му посакуваме да се врати со шампионскиот пехар, бидејќи ќе остане шампион на својот град.