„Ако го видовте Honeyland, ги запознавте седумте деца од семејството Сем. Всушност, сега семејството има 8 деца, бидејќи последното се роди на денот на премиерата на филмот на фестивалот Санденс. Кој би помислил…“, започнува повикот за донација на тимот на филмот Медената земја.
– Тие би биле среќни да ве запознаат, но се наоѓаат во Медената земја, место далеку, далеку, каде што се заминува и ништо не е сигурно, дури ни водата во жешкиот летен ден или топлиот оброк во студената зимска ноќ. Можете да им помогнете на овие 8 деца – Мустафа, Музафер, Вели, Али, Алит, Гамзе, Љутвиш и новороденчето кое во овој момент се уште е безимено, се вели на официјалната страна на документарниот филм „Медената земја“ (Honeyland) http://honeyland.earth .
Но, тоа ќе биде трансакција, бидејќи тие се издржливи деца и немаат друг начин … Ќе купите од најдобриот мед од Медената земја (Honeyland) и тие ќе ги добијат сите пари.
Доколку сакате да донирате пријавете се на http://honeyland.earth/donate-for-the-honeyland-kids , испратете барање за тегла од 25g полна со најдобриот Honeyland мед. Приходите од донациите се наменети за формирање на образовен фонд за децата.
https://www.facebook.com/SwissEmbassySkopje/videos/356364654956596/
„Медена земја“ е филм за Атиџе, последната жена-одгледувач на диви пчели во Европа, која живее со своето семејство во централна Македонија. Главната идеја на филмот е да се прикажат припадноста на човекот кон природата и нарушувањето на природната рамнотежа преку судирот на два различни начини на искористување на природните ресурси.
„Медена земја“ ја освои Главната награда од жирито, како и уште две награди: Котевска и Стефанов ја примија Специјалната награда од жирито за влијание за промена, а снимателите Фејми Даут и Самир Љума – Специјална награда за камера.
„Honeyland“ беше во официјална конкуренција на најпрестижниот американски фестивал за независни филмови „Санденс“ во категорија со уште 11 други документарци од целиот свет.