Искрена страница за инспирација на основците од „Страшо Пинџур“

Прилепските основни училишта активно се вклучуваат со креативни алатки на социјалните мрежи за да ги поттикнат учениците, покрај онлајн наставата, да ја пробудат нивната досетливост во создавањето на игри, или прибирање на нови знаења. Условите за учење се изменети, но сите мора да се прилагодиме кон состојбата, за доброто на секој, за семејството, за заедницата… Основното училиште „Страшо Пинџур“ Мало Коњари, деновиве создаде страница на социјалната мрежа facebook со привлечно име „Искрена страница“.  Страницата можете да ја пронајдете тука:  Искрена страница-ООУ „Страшо Пинџур“с.Мало Коњари 

Драги наши ученици,
сите не снајде неочекувано зло, невидлив непријател-вирус. Го пребродивме некако првиот шок, додека не ја прифативме вонредната ситуација. Ова е една страница каде секој кој сака може да напише искрено како го пребродил (пребродува) сето што се случува во нашата земја и Светот и како го скратува времето поминато дома,како се снајдува со учењето на далечина … Нека секоја ваша интересна активност дома биде инспирација за другите…Покажете ја вашата креативност…

 

Креативните наставници и страчната служба веќе започнаа со поставување на интересни содржини од кои издвојуваме една интересно видео:

https://www.facebook.com/100001705333039/videos/3090805440986270/

Можеби со овие креативни алатки, преку фотографии и видео и споделување на социјалната мрежа, ќе ги разбудат спомените кај родителите и бабите и дедовците за игрите во нивното детство, кои би сакале да им ги пренесат на новите генерации. Секоја идеја е добредојдена, но најважно е да се поттикне досетливоста и детската фантазија, потоа е се лесно!