Наредната недела во Крушево ќе се одржи завршната форумска сесија за промоција на проектот „Опремување на мултифинкционална сала“. Настанот ќе се одржи на 6-ти јули, во 13 часот, во горната училишна зграда во Крушево на која се се поканети сите граѓани на општината.
Претседателот на советот на општина Крушево Тома Петроски и претставници од Програмата за развој на Обединетите Нации извршија увид во завршните работи од проектот „Опремување на мултифункционална сала“.
![](https://radiopela.mk/wp-content/uploads/2021/07/uvid-2-1024x683.jpg)
– Со 62 илјади швајцарски франци се спроведе овој проект кој вклучува оспособување и опремување на простор за кино и театар, а за многу скоро ќе се оспособи и посебна сала за советот. Во рамки на истиот проект ја унапредуваме и работата на Советот преку инсталирање на опрема за пренесување во живо на седниците на совет “, изјави Петроски.
Опремувањето на мултифункционална сала е дел од Проектот „Зајакнување на општинските совети“, вреден 3,4 милиони швајцарски франци, финансиран од Швајцарската агенција за развој и соработка и истиот е имплементиран од Програмата за развој на Обединетите нации (УНДП) во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.