Масовна еко акција – „административците“ ја чистеа прилепската околина

Прилепските “административци“, државни службеници, денеска ги засукаа ракавите и се вклучија во еко акцијата на граѓанското здружение „Не биди ѓубре“, како начин за одработување на неработниот ден 2 јануари.

Во  Прилеп  се чистеше на 15-на локации! Се исчисти просторот од прилепската касарна до чешмата кај вештачкото езеро,  патот и околината кај манастирот, кај село Селце,

обиколницата кај фабриката за цигари, просторот кај старите градски гробишта,  локации во градот и неговата блиска околина , околу магистралниот пат Прилеп-Битола,околу  регионалниот Прилеп – Градско .

Градежната механизација работеше на расчистување на дивите депонии над касарната „Мирче Ацев“ и ИКТ центарот, патот од бензинската „Лукоил“ до клучката кај хотел „Салида“, како и на потегот од „Склештен мост“ до излезот кај фабриката „Милина“, чистење на Дабнички канал, во непосредната околина на црквата во населбата Точила и кај новите градски гробишта.

Денеска 40 илјади административци во Македонија чистеа ѓубрето на повеќе локации во Скопје  и во други градови низ државата. На овој начин вработените го надоместуваат 2 јануари 2019, кој Владата го прогласи за неработен ден за сите државни институции.