Министерот за земјоделство  во посета на  Прилеп

Програмата за рурален развој и проектите на Прилеп беа од интерес на Трајан Димковски, министер за земјоделство, шумарство и водостопанство, при  денеска  посета на прилепскиот регион. Прилеп аплицираше со три проекти.

„Парите се резервирани во буџетот и тие треба максимално да бидат искористени во текот на оваа година. Исто така разговаравме и за огласот кој е во тек на кој можат да аплицираат планските региони, а кој се однесува на тампонирање на патиштата кои водат до земјоделските површини“, изјави министерот за Димковски.

Трите одобрени проекти се во висина од околу 60 милиони денари.Едниот проект е за урбанизација на 30 села во општина Прилеп, вториот за изградба на патот помеѓу селата Волково и Прилепец и третиот проект е за патот од Прилепец до манастирот ‘Св.Никола’.

Министерот Трајан Димковски, го посети и  градскиот пазар и с. Канатларци. Со жителите на Канатларци беа отворени повеќе теми поврзани со земјоделската проблематика, меѓу кои и за распределбата на државното земјоделско земјиште.