Mладите вардарци славеа против Прилеп со 1 гол предност

Со 29-28 РК Вардар Јуниор на домашен терен го победи составот на Прилеп. Ракометарите на Прилеп беа поубедливи на стартот со водство од 0-3, а во продолжение вардарци се консолидираа и на одмор обезбедија минимална предност од 13-12.
Во второто полувреме се повтори истиот полет на Прилеп предводени од Бозароски и Ролевски при што направија предност од 3 гола разлика во своја корист 20-23. Но, тоа не беше доволно, зашто во завршницата младите вардарци мудро креира акции за предност 27-24во серија од 7-1.
Не беа доволни напорите на прилепчани до последниот свиреж, зашто само успеаја да намалат само на 29-28. Бозароски и Ѓорѓиоски со 14 гола, или половина од вкупно постигнатите беа најдобри кај Прилеп.