ПЕЛА YU хитови

ПЕЛА МАК забавно

PELA CAFE

ПЕЛА МАК народно

ПЕЛА YU фолк

CSS Template

На барање на младите Крушево ќе добие „ин-аут“ кино

288

Младите побараа и иницираа, а советот на општината ги поддржа за создавање на кино во Крушево. Одлуката за кофинансирање на проектот за оспособување на т.н. „ин аут“ (In Out) кино во СОУ „Наум Наумовски Борче“ Крушево беше донесена на денешната 10-та седница на Советот на општината.

Иницијативата за оспособување на едно вакво кино доаѓа од СОУ „Наум Наумовски Борче“, неформална група на млади од Крушево и организацијата Младински Сојуз – Крушево, а се спроведува во рамки на проектот „Зајакнување на луѓето од Пелагонија“. Амбасадата на Кралството Холандија ќе учествува во проектот со 2 000 евра, додека финансирањето од општина Крушево е 1 000 евра.

„Ги слушаме барањата на младите и драго ми е што покажуваат креативност и сакаат да го подобрат своето секојдневие со повеќе содржини и неформално образование. Советот ќе ја кофинансира реализацијата на оваа иницијатива и благодарам до советниците за поддршката.“, изјави претседателот на советот на општина Крушево Андреј Николоски.

Идејата за оспособување на кино е дел од проектот „Зајакнување на луѓето од Пелагонија“ имплементиран од Граѓанската асоцијација за унапредување на развојните процеси „Про Локал“ во партнерство со општина Крушево и финансиран од Амбасадата на Кралство Холандија.

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе