ПО ПАУЗА ОД 20 ГОДИНИ, ПРИЛЕП СО ЖЕНСКИ КОШАРКАРСКИ КЛУБ

За летово најавено е формирање на женски кошаркарски клуб во Прилеп. Тешко е да се каже точно кога последен пат во градот се играла женска кошарка, бидејќи се поминати можеби 20 години. Тогаш клубот имаше име Бренд баскет, а сега веројатно Мега баскет.

„Има интерес кај девојките да се занимааат со кошарка. Веќе две-три години тренираат и време е да се формира клуб. Мотивирани сме и од заложбата на Кошаркарската федерација на Македонија“, вели Сашо Костоски, кошаркарски тренер.

Машкиот клуб Мега баскет учествува во Втората кошаркарска лига – Запад.