Денеска, среда 29 јули, според информацијата од Центарот за јавно здравје Прилеп, нема нови случаи на корона вирус, а едно лице оздравело од заразната болест.Бројот на активни случаи изнесува 54, од кои 39 се наоѓаат на домашно, а 15 на болничко лекување. Во домашна изолација и самоизолација се наоѓаат 77 лица;
Вкупниот број на заразени од Ковид-19 од почетокот на пандемијата во општина Прилеп изнесува 327.
Инаку, денеска претседателот на Комисијата за заразни болести, д-р Жарко Караџовски, најави дека се планира зголемување на капацитетите за тестирање и дијагностика со вклучување на уште три институции во кои ќе може таа да се прави, што ќе го зголеми дневниот капацитет за тестирање за Ковид-19.
На сегашните 11 институции за дијагностика, се планираат уште три нови со што треба да се добијат уште 200 до 300 брисеви дневно, и со тоа, да се зголеми процентот на брисеви и од 1.500 дневно до 2.000 .