Бугарското Министерство за надворешни работи му врачи протестна нота на македонскиот в.д. амбасадор во Софија, Владимир Крстевски, поради утврден случај на замена на бугарски споменик во прилепското село Клепач.
Според бугарското МНР, бугарската дипломатска мисија во Скопје открила оти во дворот на црквата во село Клепач, прилепско, е заменет споменикот во чест на војводата Велко Скочивирчето и осум негови соборци кои загинале во битка со османлиската војска .
Констатирано било дека е заменет и оригиналниот натпис, а отстранети се делови од автентичниот текст и некои од имињата на убиените.
