По повод 70 години од постоењето Националната институција на народни песни и игри Танец, гостува во Австралија, со турнеја во три градови Мелбурн, Канбера и Сиднеј. Уште со најавата за концертите, Македонците во Австралија се поделија околу тоа дали треба да се бојкотира овој ансамбл – душата на македонскиот фолклор.
https://www.facebook.com/bendjoacademy/videos/449203725599565/
Каменот на сопнување беше додавката во името на оваа национална иституција, поврзано со Преспанскиот договор, што пред се, предизвика политички толкувања и импликации кај нашинците во Австралија. Но, првиот концерт кој што се одржа во престижната концертна сала Рецитал Центар во Мелбурн покажа дека нема дилеми околу тоа што претставува Танец и колку може политиката да ги одвлече желбата и интересот за еден од највредните симболи на Македонија – фолклорот, песната, традицијата, културата и се она што претставува Танец за Македонците во татковината и во светот.
https://www.facebook.com/bendjoacademy/videos/408571516689915/
Салата Рецитал Центар во Мелбурн беше исполнета до последно место, а публиката со воодушевување како и секогаш ги проследи македонските ора и песни од најдобрите амбасадори – Националната институција на народни песни и игри Танец. Концертот беше под водство на маестро Милан Завков, а настапуваше и Сузана Спасовска.
https://www.facebook.com/lidija.neskovski/videos/3853064454719379/
Според најавите ,,Танец” го очекуваат уште два концерти во Австралија. На 22-ри ноември во Канбера и на 24-ти ноември во Сиднеј.
фото галерија:
