Ученици од 3 општини ќе се натпреваруваат за творби од рециклирани материјали

Во тек е конкурсот за изработка на уметнички дела/творби од рециклирачки отпад за сите деца на возраст од 6 до 14 години, од општинските основните училишта ООУ„Страшо Пинџур“ Мало Коњари од Општина Прилеп и ООУ„Никола Карев“ од Општина Крушево, и ООУ„Манчу Матак“ и ООУ„Јонче Смугрески“ Обршани на територијата на Општина Кривогаштани,. Учениците како и претходните конкурси ќе работат во тимови/групи од по 5 до 7 ученици.
Темата за изработка на творбите е „Мирисот на тутунот кој ги обојува детските игри“.

Конкурсот за изработка на уметнички дела и творби од рециклирани материјали е всушност повторно искористување на опрема или материјали кои се употребуваат во тутунопроизводството (ПВЦ фолија/најлон, пластика, остатоци од скелиња, конец, саргии, заштитни одела, нараквици, картони, кукачки и сл.) како и вклучувањето и на нетутунски материјали (хартија, метални предмети и сл).
Годинава има новина – покрај уметнички творби, децата за прв пат ќе може да се натпреваруваат во спортски игри со предмети изработени од рециклирани материјали, и во натпревар за креирање на иновативни дела поврзани со тунопроизводството.

Конкурсот на тема „Мирисот на тутунот кој ги обојува детските игри“ го објавуваат по петти пат општините Кривогаштани, Крушево и централното училиште ООУ„Страшо Пинџур“с.Мало Коњари во соработка со МЦМС и завршува на 18 ти декември годинава. Наградите за најдобрите ќе бидат доделени на 24 декември во ООУ „Манчу Матак“ Кривогаштани.