И, отпадот може да послужи како матерјал, со кративност, вештини и умеење на дизајнирање. Е, токму тоа го умеат учениците и професорите во СОУ Ѓорче Петров – Прилеп кои создадоа прекрасна модна ревија од рециклирани матерјали. А, модната ревија Trash Fashion предизвика, несомнено, голем интерес и кај креаторите, и кај моделите , но и кај сите ученици и наставници кои ја проследија ревијата.
На модната ревија се најдоа фустани, здолништа, блузи, маици, панталони,шапки.. изработени од рециклирани матерјали: картон, најлон кеси, алуминиумски фолии, стари цд-дискови и сл. – сето тоа беше дел од матерјалите кои беа користени за модните креациите.
Модната ревија Trash Fashion беше поддржана од: АД Витаминка, ДООЕЛ-Прилеп, Слаткарница Дизниленд Трејд, Пица Бар Ластарада како и од Конфекција Тритекс.
Модната ревија имаше натпреварувачки карактер, па најдобрите беа и наградени од страна на жири комисијата во состав на: професор, Лора Трајкоска-Николоски, професорката Ангела Кочоска и професорот Сашо Кочоски од СОУ Ѓорче Петров. 
Настанот беше организиран од училиштето, со помош на професорката по ликовна уметност, Марта Макеска-Кузмановиќ и професорите по стручни предмети во текстилната струка, Наташа Мирческа, Здрава Најдоска и Стојне Христоска инструктор по фризерство ,а водител на настанот беше , оној кој учи од нас, младиот репортер на Радио Пела, Христијан Ангелески.
Информација,фото и текст: Христијан Ангелески