На локацијата позади стара градска кафеана жителите од урбана заедница центар во Прилеп бараат детско игралиште или парк наместо катна гаража каде веќе се отпочнати подготвителните активности. Група граѓани денеска излегоа на мирен протест и очекуваат солидарност и разбирање од своите сограѓани по однос на ова прашање. Просторот планиран за катна гаража повеќе години се користи како платен паркинг, и поради тоа фреквенцијата на возила е зголемена, иако до локацијата нема ниту соодветен пристап поради тоа што уличките се тесни, а нема место ниту за безбедно движење на пешаците, велат дел од жителите од урбана заедница Центар.
![](https://radiopela.mk/wp-content/uploads/2024/07/450733289_412470071816259_2031865255962526533_n-1024x576.jpg)
![](https://radiopela.mk/wp-content/uploads/2024/07/450507031_992585095782905_6119697891365605356_n-1024x479.jpg)
Најголем проблем, по изградбата на булеварот Гоце Делчев, е недостигот на паркинг простор со кој што беа скратени 300 паркинг места. Инаку во Прилеп има 2 катни гаражи во централното градско подрачје, изградени пред околу 10 години. Едната катна гаража кај Градскиот пазар е нефункционална, а капацитетот на другата гаража, кај стара автобуска станица, ретко кога е максимално искористена, а најмногу за време на одржување на Пиво фест кога доаѓаат посетители од другите градови.
![](https://radiopela.mk/wp-content/uploads/2024/07/451449433_1668413643977948_5294601373997583807_n-1-1024x479.jpg)