Во СОУ Ѓорче Петров -Прилеп, денеска вриеше како во кошница. Пристигнаа деветоодделенци од сите основни училишта од општина Прилеп, Кривогаштани, Долнени … Сите сакаа да дознаат за можностите, условите и наставните програми кои ги нуди ова стручно училиште. “ Во СОУ Ѓорче Петров – Прилеп предвидено е во прва година да се запишат 322 ученици, во 10 паралелки со настава на македонски јазик според наставни планови и програми“ – вели директорката Жанета Видевска.
Праксата покажува дека СОУ Ѓорче Петров -Прилеп, познато како медицинско училиште е едно од најатрактивните за учениците кои го завршуваат основното образование. Што нуди училиштето од профилите:
Здравствена струка – 136 ученици, 4 паралелки од кои : за медицински сестри 68 ученици во две паралелеки и фармацевтски техничар и за физиотерапевтски техничар по 34 ученици, по една паралелека.
Текстилно – кожарска струка – 25 ученици, 1 паралелка и ќе се соработува со компаниите за поквалитетно изучување на оваа струка.
Лични услуги – 68 ученици во две 2 паралелки – една за техничар за козметичка нега и убавина и една за фризер
Шумарско – дрвопреработувачка струка ќе опфати 34 ученици, 1 паралелкa
Геолошко – рударска и металуршка струка ќе опфати 59 ученици во 2 паралелки, со зголемен број часови поминати во компанија.
Условите за запишување и критериуммите:
Првото пријавување на учениците ќе се врши од 20 јуни до 25 јуни 2024 година до 15:00 часот.
Доставувањето на потребната документација до училиштата е на 20, 21 и 24 јуни од 07.00 до 17.00 часот и на 25 јуни од 07.00 часот до15.00 часот.
Конечната ранг листа за секое училиште со резултатите од запишувањето и слободните места ќе се објават на 26 јуни 2024 година, најдоцна до 09.00 часот на огласната табла на училиштето и на училишната интернет страница https://gorcepetrov.mk/.
Квалификациско тестирање ќе се организира во училиштата за средно образование на 28 јуни 2024 година, а конечните ранг листи со резултатите ќе се објават на 28 јуни 2024 година, на огласната табла на училиштето.
Второто пријавување на учениците ќе се врши на 01 и 02 јули 2024 година до15:00 часот.
Доставувањето на потребената документација до училиштата е на 01 јули од 07.00 до 17.00 часот и на 02 јули од 07.00 часот до15.00 часот.
Конечната ранг листа за секое училиште со резултатите од запишувањето и слободните места ќе се објават на 03 јули 2024 година, најдоцна до 09.00 часот на огласната табла на училиштето и на https://gorcepetrov.mk/.
Квалификациско тестирање ќе се организира во училиштата за средно образование на 05 јули 2024 година, а конечните ранг листи со резултатите ќе се објават на 05 јули 2024 година, на огласната табла на училиштето.