Супер фудбалска атмосфера го красеше Прилеп изминативе денови а публиката беше сведок на интересна завршница во разигрувањето за првак во општинската А фудбалска лига.Најдобра е екипата на Кадица од Забрчани која во финалната пресметка беше подобра од тимот на Стрела од Ерековци.Се чини дека и повеќе од заслужено црвено белата комбинација го освои пехарот од општинскиот фудбалски сојуз Прилеп.
За триумфот над противникот , покрај тимската игра се разбира најзаслужни се и стрелците на головите и тоа два гола дело на Бобан Крстески и еден на Горан Базеркоски за конечни 3:0.
Покрај Кадица во овој бараж учествуваа екипите на Мукос од Дреновци и Влазними од Пресил.Со овој тримф тимот на Кадица има право во следната сезона да игра во третолигашкото друштво односно во третата лига југ.