Центарот за управување со кризи (ЦУК) информира дека во последното деноноќие имало вкупно 29 пожари , од кои 7 се се уште активни, меѓу кои и пожарот во Општина Долнени кај с.Небрегово каде гори нискостеблеста шума , а кај с.Гостиражни, префрлен е пожар од с.Богомила, Општина Чашка каде што гори мешана шума и ниска вегетација. Но, жителите на Гостиражни, заедно со прилепските пожарникари, се бореа против пламените јазици кои ја зафатија нивната околина.
![](https://radiopela.mk/wp-content/uploads/2024/07/452636216_1606509999892967_6984855823763806829_n.jpg)
Со багер и лопати тие им помагаа на протипожарните прилепски екипи во гаснење на пожарот. И,токму ова нека послужи како пример, како заедно сите треба да ја заштитуваме и чуваме околината и да помогаме кога ќе се појави пожар во околината – истакнаа прилепските пожарникари и им се заблагодарија на жителите за нивниот придонес и голема помош при гаснењето:
„Секоја им чест на мештаните од село Гостиражни како и на машинистот од Општина Долнени…вака се гаси пожар!“ напишаа денеска пожарникарите од ТППЕ – Прилеп.
ЦУК информира дека во последното деноноќие изгаснати се 15 пожари на отворено , меѓу кои и два во пелгонискиот регион во Општина Прилеп кај с. Дабница, каде гореше ниска вегетација, во Општина КРИВОГАШТАНИ кај с.Славеј каде ТППЕ гаснеше ниска вегетација и во Општина Крушево кај с. Алданци каде исто така гореше ниска вегетација и стрниште.