Со цел да ѝ се овозможи на младата публика во Р.С Македонија пристап до високо квалитетни и иновативни медиумски содржини кои ќе им помогнат подобро да ја разберат улогата на медиумите и важноста на професионалното и независно новинарство, единственото рурално радио во Македонија, Радио Пела – Кривогаштани се вклучува во проектот „Промовирање на медиумска и информациска писменост и зајакнување на независните медиуми во Западниот Балкан“ кој го спроеведува Албани асошиејтс (www.albanyassociates.com) и Македонскиот институт за медиуми, заедно со регионални организации за развој на медиумите. Идејата, насловена ,,Учење за медиумите од најмала возраст“ има за цел, учениците од руралните средини одблиску и дирекно да се запознаат со работата на новинарите, начинот на креирање вести и професионалните новинарски стандарди, во рамките на напорите за поголема медиумска писменост кај младата популација.
За таа цел младите, ученици и деца од предшколска возраст, од руралните средини од општините: Кривогаштани, ученици од ООУ “Манчу Матак“ и деца од предшколска возраст од детската градинка „Весело Штркче“ , Крушево , ученици од СОУ „Наум Наумоски Борче“ и Прилеп ООУ “Манчу Матак“, с.Мало Коњари , ќе ја посетат локалната рурална радио станица, Радио Пела, која емитува програма на 96,8 ФМ и ќе се запознаат со работата на новинарскиот и техничкиот тим , дирекно, учејќи за тоа – како се креираат и пренесуваат вестите , каква е улогата на медиумот, која е задачата на новинарот , како доаѓаат вестите во етер, како се подготвуваат и селектираат информациите …
Воедно во рамките на младинската емисија „Од млади за млади“, младите водители : Христијан Пусоски, Михаела Петреска и Сотир Маркоски на тема „Пловење низ медиумската писменост“ ќе разговараат со локални новинари, уредници на локални медиуми и дописници на националните медиуми од Пелагонискиот регион за нивните локални искуства во борбата против дезинформациите, како тие се соочуваат и ги распознаваат лажните вести и информации, со кои тешкотии се среќаваат при информирањето, итн… Воедно дел од учениците од руралната средина од основното училиште „Страшо Пинџур“ ќе се обучуваат на тема: „Бидете сигурни дека ги препознавате лажните вести“ и тоа ќе го применат.
Проектот„Промовирање на медиумска и информациска писменост и зајакнување на независните медиуми во Западниот Балкан“ се спроведува во Албанија, Босна и Херцеговина, Косово, Р.С. Македонија, Црна Гора и Србија, и е финансиран од Британската влада.
