Граѓаните кои скенираат фискални сметки, а се добитници на некоја од наградите, можат да ги донираат средствата во фондот за борба против КОВИД 19.
Надградената апликација на МОЈДДВ сега е со можност за донација.
„Ве известувам дека опцијата за донација има три чекори: Првиот чекор е влез во опцијата за донација, вториот чекор е за донацијата, а во третиот чекор Ве прашуваме уште еднаш дали сте согласни да донирате, пишува Директорката на УЈП, Сања Лукаревска.
Оваа опција, објаснува Лукаревска, не е задолжителна, тој што нема да се изјасни за донирање, средствата од неговиот поврат ќе се исплатат на неговата трансакциска.
Претходно беше споделена информација дека остварен износ за поврат на ДДВ за првите три месеци од 2020 година ( јануари, февруари и март) добитниците ќе можат да го донираат со што ќе учествувате во борбата против Коронавирусот COVID-19.