Меморандум на обединување упати МААК ОК Прилеп до ОК ограноците во Прилеп. „Обединувањето нека започне од Прилеп, па да се прошири низ цела Македонија“ повикуваат од огранокот Македонска акција – МААК ОК – Прилеп :
„Заеднички настап во поглед на зачувување на националноста, идентитетот, јазикот, историјата, како и давање поддршка на матичните партии за што побрзо изнаоѓање на политичко решение за поништување на Преспанскиот договор и запирање на преговорите за Договорот за добрососедство со Р. Бугарија. Заедничко дејствување за неправедно осудените Уставобранители од 27.април и нивно што поскоро ослободување и овозможување на фер судење. Заедничко излагање на предлози и решенија за спас на економијата во Општина Прилеп, конкретно најзагрозените сектори во малото стопанство, занаетчиството, угостителството и сите останати економско загрозени дејности, како и земјоделието и сточарството, со посебен аспект на тутунопроизводствотото . Заедничко дејствување во справување со вирусот Ковид 19, со давање издржани и ефективни предлози за мерки за спречување и заштита од ширење на истиот, предлагање решенија за подобра организација на самата територија на Општина Прилеп. „ – велат во Меморандум од МААК О.К. Прилеп нагласувајќи дека со овој моеморандум имаат за цел „конечно да дејствуваме заедно, во најбитните сегменти за опстанок на општеството и Р. Македонија, а со истото, да покажеме дека имаме демократска одговорност и заеднички ставови во поглед на овие прашања“ . – пишува во меморандумот
Меморандумот за обединување е доставен до О.К./ограноци на: ВМРО-ДПМНЕ, ЛЕВИЦА3, ИНТЕГРА ЕДИНСТВЕНА МАКЕДОНИЈА,.РОДИНА, .ПОДЕМ и до ЗЕЛЕН ИНСТИТУТ