Поголемиот дел од патишта во Македонија се расчистени и отворени за сообраќај по обилните снежни врнежи. Од јавното претпријатие „Македонија пат“ информираат дека сите екипи што се ангажирани за расчистување на патиштата остануваат на терен. Првојот Плетвар е прооден за сите типови на сообрајќај, но од АМСМ предупредуваат на внимателно возење.
Од 15 30 часот се укинати забраните за движење на тешките товарн возила на следните патни правци: Гостивар – Кичево преку планинскиот премин Стража, крак Маврово – Жировница , Кичево – Охрид преку планинскиот премин Пресека, Струга – г. п. Ќафасан
Патниот правец Македонски Брод – Скопје(кај с.Близанско) е блокиран за сообраќај за сите возила, поради одрон на патот, соопштија од АМСМ.
Претходно во текот на денот, на обиколницата кај Македонски Брод имаше голем одрон од камења, меѓу кои и камена громада потешка од еден тон.
По интервенција од страна на локалната самоуправа со градежна машина, овие камења се отстранети од коловозот и сообраќајот се одвива непречено во обата правци.
АМСМ препорачува прилагодена брзина на движење и можност од појава на одрони во контлините и клисурите.