Ракометарките на Деспина поразени на гости од лидерот Куманово

Деспина во натпревар од 7. коло  изгуби  38:27 на гости кај Лидерот во плеј-оф групата во Женската лига, Куманово .

Прилепчанки пружија отпор само во првите десетина минути, додека во останатиот дел, ракометарките на Куманово со доминантна игра стигнаа до убедливата победа, со која останаа на лидерското место во плеј-оф фазата. При резултатот од 6:5, домаќинките направија серија од 4:0 за 10:5 и тука беше јасно дека гостинките од Прилеп ќе имаат тешка задача за рамноправност во овој дуел.

Најефикасни кај Деспина беа  Ангела Камческа со девет и Сања Цветкоска со осум гола а кај  Куманово со по шест погодоци беа Тамара Ивановска и Јована Кипријановска.

Во следното коло, екипата на Деспина на свој терен ќе ја пречека Стружанка.