Ракометарите на Прилеп забележаа уште еден пораз во суперлигашкиот плеј-аут, откако загубија на домашене терен од екипата на Пролет ( 20-24).
Пролет постигнаа три гола во серија за 3-7 и најава дека во Прилеп се дојдени по победа. Разликата од четири погодоци гостите ја одржуваа до финишот на полувремето. На пауза се замина со 12-14, но потоа повторно ракометарите на Пролет тргнаа во офанзива. Пролет поведе со 13-16 на стартот на вториот дел, а по серија промашувања и голмански одбрани на двете страни, Прилеп намали на минус еден, 17-18. Но, при секој обид да се изедначи резултатот во последните 10 минути од натпреварот, и покрај одличните одбрани на прилепскиот голман Цинцадзе, ракометарите на Горан Кузманоски не успеаа да реализираат и да постигнат гол и на крај госите ги понесоа бодовите во Скопје .
Во состав на РК Прилеп најдобар стрелец беше Давор Шокоски со седум гола ,а кај гостите се истакнаа Мартин Димов со седум и Иван Џонов со пет погодоци.