На 27.04.2022 во 03.00 часот во ОВР Прилеп било пријавено дека на крстосница од улиците „Кеј 9-ти Септември“ и ул.„Борис Кидрич“ во Прилеп, патничко моторно возило марка „БМВ” со прилепски регистарски ознаки, управувано од Џ.И.(24) од Прилеп, излетало од патот. Во несреќата со тешки телесни повреди се здобил возачот, констатирани во Градска болница Прилеп. Увид извршила увидна екипа на ОВР Прилеп.
На 27.04.2022 околу 04.00 часот во ОВР Прилеп било пријавено дека на ул.„Богомилска“ во Прилеп настанал пожар во патничко моторно возило „Фолксваген Голф” со прилепски регистарски ознаки, сопственост на Е.А.(42) од Прилеп. Пожарот бил изгаснат од сопственикот, а повредени лица нема. Увид извршила екипа на ОВР Прилеп.