До крајот на градежната сезона во Долно Агларци ќе се изградат нови тротоари во должина од 100 метри и атмосферска канализација во должина од 240 метри додека во Горно Агларци 210 метри, посочи е Стевче Стевановски, градоначалник на Општина Новаци, при средбата со жителите од Долно и Горно Агларци.
Жителите на Горно Агларци побараа санација на оџаците во училиштето, чистење на пешачката патека до училиште, асфалтирање и тампонирање на локални патишта, чистење на каналите, изградба на атмосферски канал во должина од 150 метри и редовно одржување и косење на тревните површини и кастрење на дрвата.
Жителите на Долно Агларци побараа чистење на дивите депонии и поројот за кој сметаат дека е приоритетен и реконструкцијана кровот на црквата.