Крпење на ударните дупки на прилепските улици со т.н „ладен асфалт “ кој за прв пат, велат надлежните, се користи за санирање на ударни дупки на сообраќајниците во Прилеп, денеска беше применет на неколку сообраќајници, а надлежните велат тоа ќе биде пракса и во иднина. Денеска, ЈКП ,,Водовод и Канализација”- Прилеп ги санираше ударните дупки и прокопите на најфреквентните улици : ,,Пере Тошев”, ,,Егејска”, ,,Ладо Лапецот”, ,,Васко Карангелески” и ,,Александар Македонски.”
Од локалната власт, најавија дека ќе продолжат да ја користат оваа метода за санирање на ударни дупки низ прилепските улици, тврдејќи дека ова е одличен метод во зимски период за санација на сообраќајниците со цел ефикасна санација за подобрување на безбедноста во одвивањето на сообраќајот.