ЛАГ Агро Лидер по повод Меѓународниот ден на жената 8 ми март, денеска уште еднаш успешно организира и ги спои младоста, креативноста, уметноста и забавата. Во соработка со учениците од СОУ „Орде Чопела“ Прилеп, бендот „Библиотека“ кој што функционира во училиштето, на платото кај градскиот саат се одржа несекојдневна дружба.
За забавата се погрижи бендот „Библиотека“, а истовремено беа подарени медењаци подготвени од вредните учениците. На настанот со своите илустрации на сегашни и некогашни хероини беше присутен и уметникот Зоран Кардула, беа читани и споделени пораки на инспиративни жени, а воедно можеа да се купат трите објавени романи на авторката Верица Ацеска.