Општина Новаци втора година по ред ќе ја одржи манифестацијата „Фестивал на жетвата“. Денеска петок, 21 ви јули и утре 22 јули кај манастирот Рожденство на Пресвета Богородица оваа дводнева манифестација ќе ја промовира македонската музика, забава, но и производството на храна. Ќе настапат популарни музички ѕвезди од македонската народна и забавна музика, а планирана е програма и за деца. Фестивалот ќе има изложбен дел каде ќе се претстават производители и претставници за земјоделска механизација, препарати, семиња и пестициди, локални производи, домашна традиционална храна, винарии …
