Делегација од Општина Прилеп, предводена од градоначалникот Борче Јовечски, Советот на Општина Прилеп, Сојузот на борци, политички партии и група граѓани одадоа почит на заслужните дејци и прилепски револуционери, со положување на свежи цвеќиња пред спомениците на: ‘Методија Андонов – Ченто’, ‘Кузман Јосифоски – Питу’, ‘Ѓорче Петров’, ‘Пере Тошев’ и на Могилата на непобедените, со што им оддадоа почит и се поклонија пред сите хероите кои ги дадоа своите животот за слободна и незавсина Македонија .
На тој начин градот денеска , се приклучи кон чествувањето ио одбележувањето на двата Илиндена, 120 години од Илинденското востание и 79 години од Првото заседание на АСНОМ.
„Денеска, одбележувајќи ја 120 годишнината од Илинденското востание и 79 години од Првото заседание на АСНОМ, даваме завет дека ќе ги чуваме и негуваме придобивките од Илинден и АСНОМ, бидјеќи на тој начин ја чуваме и македонската држава, македонскиот јазик, традицијата и историјата. Денес, како генерации имаме и нов историски предизвик, но, и обврска кон идните генерации, да создадеме национално достоинствена и меѓународно почитувана Република Македонија, која би чекорела напред кон економски, европски и демократски развој„- истакна градоначалникот на Прилеп, Борче Јовчески, честитајќи им го Илинден, Денот на Републиката на сите граѓаните.
Делегација од Прилеп присуствуваше и на чествувањата на Илинден во Крушево.