На платото пред ЦК „Марко Цепенков“ утре, на 8 август 2023 од 20 ч. целовечерен концерт ќе одржи КУД „Дримкол“ од Вевчани. Концертот е во рамките на програмските активности на Центарот за 2023 година.
КУД „Дримкол“ е сериозна културна институција која ја негува, развива, и промовира народна култура во нашата држва и надвор од неа. Во рамките на ова здружение членуваат 150 активни членови кои се распоредени во неколку уметнички целини и тоа: Фолклорниот ансамбал „Дримкол“ , Патувачкиот театар „Поклони се и падни“ , Пејачката група „Каданка“, Оркестарот на народни инструменти. Како национално богатство на Република Македонија, ова Вевчнаско здружение се афирмира себеси и ја афирмира нашата држава онака како што доликува: квалитетно и достоинствено, а како доказ за тоа се и освоените награди, дипломи и признанија на бројните домашни и меѓународни фестивали.