Прилепскиот гигант Витаминка со уште една донација, овој пат во СОУ „Ристе Ристески Ричко“, училиште каде се реализира дуално образование, практична работа и можност за вработување на учениците во прилепските компании. Директорката на училиштетото Цветанка Ѓорѓиоска, на социјалните мрежи информираше дека Витаминка обезбеди 10 компјутери за потребите на наставно – образовниот процес во оваа институција:
„СОУ “Ристе Ристески-Ричко” Прилеп во текот на неговата долгогодишна работа остварува соработка со голем број компании. Особено значајна е соработката со компанијата АД Vitaminka која, како општествено одговорна компанија, секогаш излегува во пресрет на потребите и барањата од училиштето.Меѓусебната соработка вклучува професионална обука на наши ученици кои се дел од дуалното образование и потготовка за нивна интеграција на пазарот на трудот. Со тоа наидуваме на позитивна атмосфера во однос на вработување на дел од учениците како и континуирани донации на компјутери и техничко-технолошки помагала за потребите на нашето стручно училиште.Денес сме сведоци на нова донација од АД Витаминка на 10 нови компјутери за потребите на ученицитеАД ВитаминкаВи благодариме!“, посочи Ѓорѓиоска.
