Караванот „Македонијо во срце те носиме” утре, среда (27 септември) ќе гостува во Прилеп. Концертот е со почеток во 20 часот, а ќе се одржи на плоштадот „Методија Андонов – Ченто”. Учествуваат плејада на естрадни уметници, музички ѕвезди од Македонија: Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски.
На репортоарот се едни од најпопуларните родољубиви песни: „Заветна”, „Налеј, налеј”, „Народе македонски”, „Едно име имаме”, „Земјо македонска”, „Ој, Вардаре”, „Оган да го гори”, „Послушајте патриоти”, „Ми заплакало село Ваташа”, преработени од Николче Мицевски. Проектот „Македонијо во срце те носиме” е во реализација на Скендеровски продукција. Овој музички караван на задоволство на публиката досега пропатува во Штип, Битола и Велес.