Прилепскиот бизнисмен Зоран Кочоски е назначен за претседател на Републичкиот Противпожарен сојуз со назначувањето на новото раководство по неколкугодишна неактивност на оваа организација. Очекувањата се заживување на сојузот со це омасовување и интензивирање на активностите на сите нивоа од доброволното пожарникарство во Македонија.
Кочоски е сопственик на КОУЗОН, компанија која што работи на посредување за вработување, особено за младата популација.
„Имаме спремност максимално да се посветиме на враќањето во функција на доброволното пожарникарство во Македонија и да ги примениме сите Европски стандарди во овој сектор. Ако сакаме да бидеме дел од Европскиот систем за заштита и спасување, час поскоро треба да поставиме нова национална стратегија и да го омасовиме доброволното пожарникарство во Македонија. Процесот ќе бара активно вклучување на државните институции во овој сегмент и будење на свеста кај еден дел од популацијата дека се што постои во Македонија е наше и мораме да се потрудиме да го заштитиме“ – потенцираше новоизбраниот претседател на Сојузот Зоран Кочоски.
Противпожарниот сојуз на Македонија постои од 1836 година и низ изминатите 186 години од постоењето поминал низ повеќе етапи на развој.