Македонската православна црква и верниците денес слават Митровден – празник што многумина го обележуваат како слава или именден.
Денес, на 8. ноември, православната црква и нејзините верници го прославуваат празникот посветен на Светиот великомаченик Димитриј, народно попознат како Митровден.
Митровден е еден од празниците со кој се поврзуваат мноштво народни обичаи. Еден од нив е и претскажувањето според времето – ако денес врне и студи, нè очекува долга и ладна зима со многу снег.
Исто така, постои верување дека на овој празник, исто како и на Божиќ, би требало да бидете дома, освен ако не сте поканети на слава. Оттука и старото верување дека ако ноќта на Митровден ја поминете надвор од дома, цела година ќе спиете надвор од дома и ќе скитате по туѓи куќи.
Кој бил Свети Димитриј?
Митровден му е посветен на античкиот командант од Солун од третиот век, измачуван и погубен поради тоа што го ширел христијанството. Свети Димитриј бил почитуван како еден од најважните православни војници меѓу светителите. Сите православни христијани и верници го слават овој великомаченик, верувајќи во неговите исцелителски моќи.