Стопанската комора доби два нови потпретседатели на Управниот одбор кои ги изгласа Собранието на комората на 07.12.2023 година. Имено, нови потпретседатели на УО се Ирена Јакимовска сопственичка на „КОМФИ АНГЕЛ“ и Анита Блажевска менаџер во „ФИЛИП МОРИС ТУТУНСКИ КОМБИНАТ ПРИЛЕП“ .
Собранието на СКСМ на 07.12.2023 година, покрај редовните точки врзани за програмските документи, изгласа и зајакнување на кадровскиот состав, во пресрет на предизвиците со кои ќе се соочуваме во текот на 2024 година. Нови потпретседатели на УО се Анита Блажевска (41) – „ФИЛИП МОРИС ТКП“„ и Ирена Јакимовска (50) – „Комфи Ангел“. Во УО беа избрани Снежана Савиќ Димовска (45) – „ПИВАРА СКОПЈЕ“ АД, Ана Таневска Ѓерѓиевска (41) – „МАКЕДОНИЈАТУРИСТ АД-Скопје“ и Горан Мауровски (37) – „ФАКОМ„ АД Скопје. Во тек е постапка за вклучување на Јордан Димитровски (44) – „АИТОНИX“, Жарко Димитриоски (34) – „БД ГРУПА“ и Аријана Коскаровска (34) – КРЕАТИВ ХАБ. Исто така зајакнат е и советничкиот тим со Кристофер Сандерс од СР Германија како специјален советник на претседателот на СКСМ, Бранко Азески.
Со тоа Комората уште еднаш покажа дека располага со значаен кадровски потенцијал, кој е потребен за новите предизвици врзани со претседавањето со Балканската коморска асоцијација; формирањето на Институтот за извоз, Берзата на трудот, Центарот за микро, мали и средни претпријатија, Тимот 40 – Асоцијација на млади претприемачи и Советот за напредни технологии.
Во УО на Комората се наоѓаат и Александар Гечев, Анатол Кутрески, Зоран Милковски, Александар Манев, д-р Никица Мојсовска Блажевска, сите на возраст помеѓу 30 и 45 години.
Од Стопанската комора посочуваат дека континуираните кризи од 2008 до денес (економска, финансиска, здравствена, енергетска), го принуди потпретседателскиот тим на Комората во состав: Сашо Наумоски, Сашко Самарџиоски, Глигор Цветанов, Драгана Чифлиганец и Виктор Мизо, најголемиот дел од своето време да го поминат во своите компании и околу сопствените бизниси. Тие сега оперативно ќе помогнат и на Комората, од што бенефит ќе имаат и сите компании.