За периодот од 24-ти до 30-ти ноември, во општина Прилеп имало 402 нови случаи на коронавирус, информираат од Центарот за јавно здравје Прилеп. Изминатата седмица од последици на коронавирусот, починале 17 лица. Според податоците од здравствените власти бројот на активни случаи изнесува 1.000, од кои 833 лица се наоѓаат на домашно лекување, а 119 на болничко, а 48 се лекуваат во дневната болница. На кислородна поддршка се наоѓаат 92 пациенти.
Во домашна изолација и самоизолација се наоѓат 1.805 лица. Моментно вкупниот број на заразени од Ковид-19 изнесува 3.010, во оваа бројка не влегува денешниот пресек. Од почетокот на пандемијата, од корона вирус во општина Прилеп починале 131 лице.