Натпреварот меѓу Прилеп и Еурофарм Пелистер ќе се одигра денеска со почеток од 19:00 часот во спортската сала при СОУ „Ристе Ристески-Ричко“, со што ќе започне последното, 14. коло од регуларниот дел од Супер лигата. Влезот за сите љубители е слободен.За двете екипи ова ќе биде последниот натпревар годинава, потоа следи пауза, додека со своите настапи ќе продолжат во вториот дел од сезоната, во која битолчани ќе разигруваат за титулата, додека екипата на Прилеп ќе игра во плеј-аут фазата и ќе се бори за задржување на суперлигашкиот статус.
Дел од натпреварите од последното коло се играат порано поради репрезентативните настапи на кадетската, младинската и сениорската репрезентација кон крајот на декември и почетокот на јануари.