Попладнево на превојот Стража врне снег. Метереолозите најавуваат засилени врнежи и во текот на викендот особено на планините во западниот и во северозападниот дел од Македонија, како и на планинските превои. Како што беше најавено од УХМР студениот априлски бран деновиве ја зафати и Македонија, проследен со нагло паѓање на температурите, ветар, врнежи од дожд, а на повисоките места и снег.
Максималните дневни температури на воздухот за време на викендот ќе се искачуваат во интервалот од 7 до 16 степени, додека утре тие во најтоплите централни и југоисточни предели на кратко би можеле да се искачат и до околу 20 степени.
Во наредните денови на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер.
Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Вчера снежни врнежи имаше и во Маврово и на Попова Шапка.