Почина Никола Проески, татко на легендарниот музичар, Тоше Проески. Замина денеска, на Велики четврток, после долго боледување. Веста за неговото заминување денес на социјалните мрежи ја објави Дора, неговата ќерка, со зборовите:
-Светол патот, татко мој.
Родителите на Тоше, кој почина пред 16 години во сообраќајна несреќа во Хрватска, Доминика и Никола, живееа повлечен живот по смртта на нивниот син и не се појавуваа во јавност.
Семејството Проески се уште нема објавено детали за последното испраќање на таткото на легендарниот музичар и хуманист Тоше.
Додека беше жив, Тоше секогаш покажуваше колку е горд на своето семејство, а во една пригода раскажал:
„Низ годините, јас научив да се однесувам како некои луѓе што ми помагаа кога моето семејство беше сиромашно. Се трудам да им помагам на сите блиски колку што можам, дури и на оние што не ми се ништо. Затоа сум амбасадор на УНИЦЕФ. Живеам одлично, како и порано, и повеќе од тоа не ми треба. Јас бев најсреќен кога му купив автомобил на татко ми. Се вратив од турнеја и не купив за себе, туку купив за него!“, изјавил Тоше. (пишува Слободен печат)