МТФ „Војдан Чернодрински“ ја одбележаа на втората вечер двете театарски претстави: Битолскиот театар со претставата од 19.30 во ЦК„Марко Цепенков“, ја изведе „Доктор Фауст“ во режија на Андраш Урбан. А од 22.00 часот домаќинот театарот„Војдан Чернодрински“ја прикажа „Клетници“ по Виктор Иго, текст Горјан Милошевски, режија Мартин Кочовски.
Во рамките на придружната програма денеска се одржа јавна трибина на тема:„Театарската критика денес”. Трибината е резултат на соработката меѓу „Гледај.мк“ , проект на Младински културен центар – Скопје и Македонскиот театарски фестивал „Војдан Чернодрински“. Учествуваа претставници од домашната театарска сцена, режисери,актери,театролози и критичари.
– Денешната трибина е одличен повод јавно да се проговори за потребата од сериозна, издржана, квалитетна театарска критика во Македонија. Со едуцирањето на публиката и потенцирањето на потребата за критика од страна на театарските уметници, македонскиот театар има можност да стане релевантен фактор во културата., изјави Д-р Ана Стојаноска, театролог и доцент на Факултетот за драмски уметности во Скопје која ја водеше трибината, додавајќи дека критиката му е насушна потреба на театарот.
На трибината беше презентирана и платформата за филмска и театарска критика Гледај.мк. Тоа е платформа чија цел е поттикнување на критичкото гледање на филмот и театарот. Преку проектот, 20 млади рецензенти во текот на оваа година ќе учат критички да гледаат и да пишуваат, ќе посетуваат претстави и проекции и ќе ги оценуваат, со поддршка од тим на искусни ментори. Истовремено, Гледај.мк ќе работи на едуцирање на домашната публика, на организирање на отворени предавања, проекции, дискусии и интервјуа со домашни и странски гости и соработници.
„Доктор Фауст“ од Битолскиот и „Клетници“ од прилепскиот театар на втората вечер од МТФ „Војдан Чернодрински“
