„Сувенир“ е насловот на изложбата која вечерва од 18.00 часот ќе биде отворена во ликовната галерија при Центарот за култура „Марко Цепенков“ во Прилеп.
Нестороски е роден во 1994 година во Струга, а дипломирал сликарство со модул сценографија на Факултетот за ликовни уметности во Скопје, во класата на проф. м-р Благој Маневски.
За време на студиите и по нив учествувал на повеќе групни изложби, конкурси, работилници, проекти и перформанси во родната Струга и во Скопје. Тој е организатор на првата „Треш-арт колонија“ во Македонија одржана во рамките на Фестивалот за процесирање култура „ДРИМ-ОН“.