МВР информира дека денеска на ул.„Борка Талески” во Прилеп, полициски службеници од ОВР Прилеп ги лишиле од слобода С.Р.(27) и Д.Д.(33), двајцата од Прилеп, постапувајќи по претходна пријава дека во текот на денот со пиштол се заканувале на 35–годишна прилепчанка пред продажниот објект каде што била вработена. Кај нив биле пронајдени и одземени два пиштоли.
Инаку, С.Р. бил баран и по потерница поради бегство од Казнено – поправната установа Затвор Прилеп и напад со остар предмет на чувар во затворот во април оваа година.
По целосно документирање на случајот ќе биде поднесена соодветна пријава,информираат од МВР